1. |
Skeur Sonder Rede
05:39
|
|||
voetval vind ritme
vermy die mure
stuur die vleesgod in sy moer
onthou die woestyn nog te goed
vind spoed
in volharding
godspoed en deernis
tot die patroon jou blind maak
en die vleesgod weer mak raak
tot jy skeur sonder rede
onheilspellende winde dra soete geur—ontmoksha medisyne
staking van spanning
van spiere wat bult
van weerstand en wilskrag
gifwalms verdoesel die seintoring
vat die kronkels al hoe wyer
skerp rotse
skrams gemis
vlees vergeet nie
marseer sonder aanhuts
vinniger as die eerste keer
bloedbelope oë slyp teen die koue son
mirage sweef op die naakde horison
gladde fokuspunt
versteende woud verwelkom ‘n bekende grys gesig
gladde fokuspunt
jy het van beter geweet
toe nie.
altyd opsoek na mede-gekruisigdes
om momentum voort te hou
met minimale skuld erkenning,
misken die hulpgeeste
met hul redding en hul toevlug,
kap kop teen die muur van medelye
slaan jou vuiste stomp
want wonde kort medisyne,
en om genees te word
is om verskoning prys te gee
|
||||
2. |
Lapis Inanis
03:30
|
|||
‘n gebarsde aar
bloedrooi, altyd daar
die juweel van onwetendheid
in die hoek van my visie
die raam van die skerm
die tralies waaragter
die sinsbedrog gepleeg word
moenie torring nie
nes jy ‘n stikfout voel
en tussen duim en vinger,
‘n los skakel vasknyp
en stadig daaraan trek
dan tuimel daar ‘n gat
so groot soos jou heelal
by die onderkant uit
met reënwoude aan’t vlam en sielsiektes
en die lyk van elke walvis, oerangoetang
en kind
en die leë oë van die hoere in beheer
en die leervel van hul hoerslawe
en nêrens om te gaan met die meulsteen
van hoerdery
om die nek nie
moenie torring nie
vernouing is oorlewing
sterwend opsoek na een rede
vir die haat en lyding
wat die lewendes
op mekaar uitspuug
elke griesel daarvan
elke minuut
moenie torring nie
vernouing is oorlewing
|
||||
3. |
Verspeelde Tyd
09:11
|
|||
versteende woud
‘n kontras in die woestyn landskap
die beendere van verspeelde tyd
wonde self toegedien
spoel oor op dorre aarde
klokke se binnegoed
vasgeroes in leë ewigheid
kinetiese armoede
stowwerige onenigheid
bodem van klei
ondeurdringbaar
eis stukrag
bewende vingers vind groewe van weerstand
spiere wat al jare wegkwyn
hyg in middernagson
‘n halwe lyk is ontgin
gade geslaan op oranje horison
klompvoet
skuifel
sleep
na redding
die ryk se vaal kleure pas nie meer nie
verafsku deur die koninklikes
jy lyk nie soos jou fotos nie
net die ander lyke verstaan
grys soos ou hout
tande vir jare verstomp op klip
vaal rooi verskyn weer onder ou vlees
gees keer terug na sy houer
nalate gee rede
|
||||
4. |
Kleindood
11:38
|
|||
ontblote klowe met bodems van vel
sporadies beboomde rye gryswoud
huiwerige blaasbalk
stook ‘n yl kooltjie
al hoe meer brandstof
vir al hoe minder beweging
pote skuifel onseker
oë blink en verdof
flitse in die lui gety van lusiditeit
vlekke van vrees
vermiljoen in groen poele
gips figure reik pleitend na bo
dring deur jou meniskus van is
as die gety sink
en tyd se wrede middelganger
‘n pond gees nader aan die vuur sleep
jou deel gespeel
in die tolbos van bestaan
jou deel verspeel...
skaduvingers eis jou silhoeëet
redes vir vasklou
verdwyn oor die horison
soos medelyers
spoel uit oor die x-as
van ‘n verborge landskap
limiete flou gekarteer
en sporadies verleng
in vryhand potlood
jy is ver bo die sensus gemiddeld
ver van die uitplatting
aan die ander kant
van die klok se bult
van die stilte
ons roepe word al flouer
in jou liggaam se troebel noodtoestand
anemiese beweging
‘n swartlong kug en verkyk oë
spoorsnyer in jou spesie se buitebaan
jou gesig gaan by my spook
soos die nabeeld van die son
agter my ooglede
na jy weg is
|
VleesAnker Cape Town, South Africa
VleesAnker gives impetus to an unraveling and eventual transcendence of the lower self.
Black Metal to stoke the blast furnace of the soul.
Streaming and Download help
If you like VleesAnker, you may also like:
Bandcamp Daily your guide to the world of Bandcamp